1 Երբոր Եփրեմը խօսում էր, դողում էին. Բայց բարձրացաւ Իսրայէլի մէջ, եւ ա յանցանք գործեց Բահաղով եւ մեռաւ։ 2 Եւ հիմա էլի մեղք են գործում, եւ բ իրանց համար ձուլածոյ կուռքեր են շինում իրանց արծաթից՝ իրանց խելքի համեմատ արձաններ, որ ամենքը արուեստաւորի գործ են. Իրանք ասում են նորանց. Զոհ անող մարդիկը գ համբուրեն որթերին։ 3 Դորա համար պիտի դ առաւօտեան ամպի պէս լինեն. Եւ ցօղին պէս որ շուտով անցնում գնում է. ե մղեղի պէս, որ փոթորիկը վեր է հանում կալիցը, եւ ծխնելոյզից դուրս եկած ծուխին պէս։ 4 Սակայն ես զ քո Տէր Աստուածն եմ Եգիպտոսի երկրիցն ի վեր. Եւ ինձանից ջոկ մի Աստուած չես ճանաչում. Եւ է մի Փրկիչ չ’կայ բացի ինձանից։ 5 ը Ես քեզ ճանաչեցի անապատումը, թ տօթակէզ երկրումը։ 6 ժ Իրանց արօտին համեմատ նորանք կշտացան, կշտացան եւ նորանց սիրտը հպարտացաւ. Սորա համար ի ինձ մոռացան։ 7 Եւ ես նորանց համար պիտի լ առիւծի պէս լինեմ, խ ինձու նման պիտի դարան մտնեմ ճանապարհի մօտ։ 8 ծ Նորանց պիտի հանդիպեմ ձագերը կորցրած արջու նման, եւ պիտի ճղոտեմ նորանց սրտի փականքը, եւ նորանց այնտեղ պիտի ուտեմ առիւծի պէս. Դաշտի գազանը պիտի պատառէ նորանց։ 9 կ Քեզ կորցնում է, ով Իսրայէլ, այն, որ դու ինձ՝ քո հ օգնութեանը դէմ ես։ 10 ձ Ո՞ւր է հիմա քո թագաւորը, ղ որ քեզ ազատէ քո բոլոր քաղաքներումը, եւ ո՞ւր են քո դատաւորները, որոնց համար ճ ասում էիր. Տուր ինձ թագաւոր եւ իշխաններ։ 11 մ Ես քեզ թագաւոր տուի իմ բարկութիւնովը, եւ կ’առնեմ իմ սրտմտութիւնովը, 12 յ Եփրեմի անօրէնութիւնը կապուած է, ծածկուած է նորա մեղքը։ 13 ն Ծննդականի ցաւեր են գալիս նորա վերայ. շ նա անխելք տղայ է. Որովհետեւ ո ժամանակով չէր կանգնիլ որդեծննդեան արգանդի բերանումը։ 14 չ Դժոխքի ձեռիցը պիտի ազատեմ նորանց, մահուանից պիտի պրծեցնեմ նորանց. պ ո՞ւր է ժանտախտդ, մահ, ո՞ւր է աւերմունքդ, դժոխք. ջ զղջումը ծածկուած է իմ աչքերից։ 15 Որովհետեւ ռ նա պտղաբեր է եղբայրների մէջ. Բայց ս արեւելեան քամին պիտի գայ, Տիրոջը հողմը վեր է կենալու անապատիցը, եւ պիտի ցամաքի նորա աղբիւրը, եւ չորանայ նորա ակնը. Նա պիտի կողոպտէ ամեն վ ցանկալի բաների գանձը։ 16 տ Սամարիան աւերակ պիտի դառնայ, ր որ ապստամբուեց իր Աստուծուն դէմ. ց սրով պիտի ընկնեն, նորանց երեխաները պիտի ջախջախուին. Եւ նորանց յղի կանայքը պիտի ճեղքուին։
Ովսե 13